Гитарист.

Сеуэ хъуну фи гитарэм?-жи1эу,

Къыщ1ыхьащ зы щ1алэтанэ.

Хьэуэ,хъунукъым-к1уэ щ1эк1-жыс1эу,

Нэк1э сопыджэк1.

Хъунщ-т1э же1эри къыщ1ок1ыж.

Сэри си гур мэтыншыж.

Гу лъызмытэу махуэр блок1,

Жэщыр мэхъури,нэху дыкъок1.

 Къыщ1ыхьащ аргуэру щ1алэр,

Хъуну,сеуэ фи гитарэм?

Я1элэхь,сыту у бэлыхь,

Хъунщ-т1э еуэ зомыгъэбэлыхь.

Къещтэ щ1алэм бас гитарэр,

Къырегъажьэ уафэгъуагъуэм.

Уэшхк1э занщ1эу зыкъехъуэж,

Си нэр къихуу сыздэщысым,

Къуалэбзухэр къолъэтэж.

солэ гитарэм къолъэтыж.

Си гур занщ1эу къыс1эпоху,

Си лъэ жанхэр зэблегъэху.

Хъуну?-же1эри къызоупщ1,

1упщ1эм жьэпкъыр зэпеупщ1.

"Хъунущ"-фэк1э зэхузощ1,

Москонцертым упызощ1.

Сыщысащ зыкъуомрэ щэхуу,

Си жэуапым,си гъэщ1эщхъуу.

Си гук1э жыс1эу, хъун-т1э ар,

Ауан щ1алэр пщ1ын щхьэ хъуа?

Си къуэншагъэр къэсщ1эжащ,

Псалъэр жьым къысхуихьыжащ.

Илъэсит1ыр мис йок1уэк1,

Сщ1экъым,гум сыкъырехуэк1.

Сщ1экъым,ауэ согупсыс,

Лъагъуныгъэм сигъэсыс.

Хьэуэ,хьэуэ,хъункъым,ар,

Телъыджащэщ,а къэхъуар.

Гитаристым и хъыбарыр,

Абдеж к1эщ1у щызухынщ.

Хэт ищ1эн,к1эух и1энур?

Ерыщ ц1ыхухэм ар къащ1энщ.

Хэт ищ1эн к1эух и1энур,

Пэжыр занщ1эу нывжес1энщ.

Мыужьыхыжу маф1э лыгъэр,

мы си гущ1эм къыщыблэнщ.